Нелли (Елисавета)
православный христианин
(новоначальный)
|
Сегодня мне позвонили с телефона моей знакомой мамочки и сказали, что Галя Полищук сегодня скоропостижно умерла. Вчера забрали по скорой, а сегодня она ушла... Дочь ее, Танюшка, ушла ко Господу 5 лет назад, 31 мая 2008 года, от онкологии. Ей было 17 лет. Месяца 3 назад умерла мама Гали, тоже Татиана. И вот сегодня ушла сама Галя...
После кончины Танюшка снилась своей подружке: водила ее по облакам, показывала все красоты мира, где она теперь. Потом ее подружка увидела огромную красивую кровать и хотела присесть, но Танюшка сказала, что этого нельзя делать, эту кровать она приготовила уже для своей мамочки...
И обе Тани, и Галя были воцерковленными женщинами.
Со святыми упокой, Христе, душу новопреставленной р.Т. Галины, идеже несть болезнь, ни печаль, ни воздыхание, но жизнь бесконечная.
Молитва за усопших внезапною (скоропостижною) смертию
Неисповедимы судьбы Твои, Господи! Неизследимы пути Твои! Даяй дыхание всякой твари и вся от не сущих в бытие приведый, Ты овому посылаеши Ангела смерти в День, егоже не весть, и в час, егоже не чает; оваго же исхищаеши из руки смерти, даруеши живот при последнем издыхании; овому долготерпиши и даеши время на покаяние; оваго же, яко злак, сечеши мечем смерти во едином часе, во мгновении ока; оваго поражаеши громом и молниею, оваго сожигаеши пламенем, оваго же предаеши в снедь зверем дубравниим; овых повелеваеши поглотити волнам и безднам морским и пропастям земным; овых похищаеши язвою губительною, идеже смерть яко жнец пожинает и разлучает отца или матерь от чад их, брата от брата, супруга от супруги, младенца отторгает от лона матерняго, бездыханными повергает сильных земли, богатых и убогих. Что убо сие есть? Дивное и недоумеваемое нами смотрение Твое, Боже! Но Господи, Господи! Ты токмо Един, ведый вся, веси, чесо ради бывает сия и чесо ради быть, яко раба Твоя Галина во едино мгновение ока пожерта бысть зиянием смерти. Аще наказуеши за многая, тяжкия прегрешения ея, молим Тя, Многомилостиве и Всемилостиве Господи, да не яростию Твоею обличиши ю и накажеши вконец, но, по благости Твоей и по безприкладному Твоему милосердию, яви ей велию милость Твою в прощении и оставлении грехов. Аще ли же усопшая раба Твоя Галина, в житии сем помышляя День Судный, позна свое окаянство и возжела принести Тебе плоды достойные покаяния, но не достиже сего, зане позвана бысть Тобою в день, егоже не веда, и в час, егоже не жда, того убо ради паче молим Тя, Преблагий и Премилосердый Господи, несоделанное покаяние, еже видесте очи Твои, и неоконченное дело спасения ея исправи, устрой, соверши Твоею неизреченною благостию и человеколюбием; едину бо надежду имамы на Твое безконечное милосердие: у Тебе бо суд и наказание, у Тебе правда и неистощимая милость; Ты наказуеши, вкупе же и милуеши; биеши, вкупе же и приемлеши; прилежно молим Тя, Господи Боже наш, не накажи внезапу позванную к Тебе Страшным Судом Твоим, но пощади, пощади ю и не отрини от лица Твоего. О, страшно внезапу впасти в руце Твои, Господи, и предстати на суд Твой нелицеприятный! Страшно отъити к Тебе без благодатнаго напутствия, без Покаяния и причащения Святых Твоих страшных и животворящих Тайн, Господи! Аще внезапу усопшая приснопоминаемая нами раба Твоя Галина толико многогрешна, толико повинна есть осуждению на Твоем праведном суде, молим Тя, умилосердися над нею, не осуди ю на вечное мучение, на вечную смерть; потерпи нам еще, даждь нам долготу дний наших, еже молитися Ти по вся дни о усопшей рабе Твоей, дондеже услышиши нас и приимеши милостию Твоею внезапу отшедшую к Тебе; и даждь нам, Владыко, омыти грехи ея слезами сокрушения и воздыханиями нашими пред Тобою, да не низведена будет по грехом своим на место мучения раба Твоя Галина, но да вселится в место упокоения. Ты Сам, Господи, повелеваеши ударяти в двери милосердия Твоего, молим Тя убо, Прещедрый Царю, и не престанем умоляти Твое милосердие и взывати с кающимся Давидом: помилуй, помилуй рабу Твою, Боже, по велицей Твоей милости. Аще же недовольно Ти словес наших, сего малаго моления нашего, умоляем Тя, Господи, верою в спасительныя заслуги Твои, упованием на искупительную и чудодейственную силу Твоея жертвы, принесенныя Тобою за грехи всего мира; молим Тя, о Сладчайший Иисусе! Ты еси Агнец Божий, вземляй грехи мира, распныйся ради нашего спасения! Молим Тя, яко Спасителя и Искупителя нашего, спаси и помилуй и вечныя муки избави душу приснопоминаемыя нами внезапу усопшия рабы Твоея Галины, не остави ю погибнути во веки, но сподоби достигнути тихаго пристанища Твоего и упокой тамо, идеже вси святии Твои упокоеваются. Вкупе же молим Тя, Господи Иисусе Христе Боже наш, приими милостию Твоею и всех внезапу преставльшихся к Тебе рабов Твоих (имена), ихже вода покры, трус объят, убийцы убиша, огнь попали, град, снег, мраз, голоть и дух бурен умертвиша, гром и молния попали, губительная язва порази, или иною коею виною умреша, по Твоему изволению и попущению, молим Тя, приими их под Твое благоутробие и воскреси их в жизнь вечную, святую и блаженную. Аминь.
Во блаженном успении вечный покой подаждь. Господи, новопреставленной рабе Твоей Галине и усопшим рабам Твоим Татиане и Татиане и сотвори им вечную память.
Вечная память. Вечная память. Вечная память.
|
