Фролова Юлия Вячеславовна
православный христианин
Тема: #94488
Сообщение: #3785262 08.12.13 08:53
|
Позволю себе дополнить тему:
Канон святой благоверной княгине Анне Кашинской
12 (25) июня
Святая благоверная княгиня Анна была дочерью ростовского князя Димитрия Борисовича. С юных лет святая Анна была воспитана в страхе Божием и научена смирению и послушанию. Наставником ее был святитель Игнатий, епископ Ростовский († 1288, память 28 мая), известный строгим подвижничеством и миролюбием. В 1294 году она стала супругой Тверского князя Михаила Ярославича, впоследствии святого благоверного князя-мученика. Святые супруги жили в любви и согласии, заботились о благе своего народа, были милосердны к бедным и сиротам. У них было четверо сыновей и дочь. Преукрашена была еси, преподобная мати, добродетельми твоими, яко цветы благоуханными и яко камением драгоценным; тем и угодила еси нетленному Царю и Владыце всех, — величает Церковь благоверную княгиню.
В 1318 году святой князь Михаил отправился в Орду с целью отвратить нашествие татар на Тверь. Святая княгиня Анна знала, что провожает мужа на верную смерть. При прощании она говорила благоверному князю: “Молю тебя, господин мой… когда предстанешь пред нечестивым царем, как добрый воин Христов, и когда предадут тебя злоковарным мукам, не бойся грядущих на тебя зол, да не устрашит тебя ни огонь, ни сечиво, но будь терпелив, пойдя на сие добровольно… Возлюби, господин мой, единого Господа Иисуса Христа”. Святой князь Михаил был замучен в Орде 22 ноября 1318 года. Нетленное тело святого мученика летом следующего года было перенесено в Тверь и погребено в Преображенском соборе.
Последующие годы принесли новые беды и скорби. В 1325 году в Орде был замучен старший сын святой княгини Анны великий князь Тверской Димитрий Михайлович Грозные Очи. В 1327 году татары разгромили Тверь. Второй сын Александр Михайлович вынужден был скрываться во Пскове, а в 1339 году вместе с сыном Феодором был убит в Орде.
После смерти князя Михаила святая Анна удалилась в Тверской Софийский монастырь, исполняя свое давнее желание — “едину Богу в молчании работати”. Там она приняла иноческий постриг с именем Евфросиния. Затем, переселившись в удельное княжество своего младшего сына Василия – город Кашин, святая княгиня постриглась в схиму с именем Анна. 2 октября 1368 года она мирно отошла ко Господу и была погребена в соборе Успения Божией Матери.
В 1611 году при гробе святой благоверной княгини Анны начались совершаться чудеса. Тогда Россия переживала смутное время. Литовские войска не один раз приступали к Кашину и не могли взять его. Очевидно, это была чья-то невидимая помощь, но жители Кашина недоумевали: кто же является их защитником? Наконец, святая княгиня Анна, охранявшая Кашин от врагов, возвестила о себе, явившись тяжело больному пономарю церкви Успения Богородицы Герасиму (святая княгиня явилась ему в схимническом одеянии). Сообщив, кто она, святая подала Герасиму здравие и сказала, что она молит Спасителя и Божию Матерь об избавлении города от иноплеменников; посетовала и на то, что гроб ее содержится в небрежении. Кашинцы прониклись великой верой к княгине Анне и стали притекать к ее гробу, от которого с тех пор происходили многочисленные исцеления.
На Соборе 1649 года было постановлено причислить благоверную княгиню Анну к лику святых и открыть ее честные мощи для всеобщего почитания. Церковное прославление и перенесение мощей ее из деревянного Успенского собора в каменный Воскресенский собор состоялось 12 июня 1650 года. Житие благоверной княгини Анны было написано вскоре после ее прославления старцем Соловецкого монастыря Игнатием (впоследствии митрополит Сибирский).
Службу на перенесение мощей, по поручению царя Алексея Михайловича, составил иеромонах Епифаний Славинецкий. Достославная Анна ублажается в ней как пресветлая звезда во всех благочестивых и верных женах, чистым и непорочным житием процветшая подобно лилии, и как славная в инокинях, шествовавшая тесным и прискорбным путем, нивочтоже вменившая тленныя, и красныя, и временныя, мужески вступившая в брань с мысленными врагами и постническими подвигами и молитвами угасившая угли страстей. По смерти же Господь прославил Свою угодницу, от юности всегда устремлявшуюся чистой мыслью к горнему селению, как прославляет и всех святых Своих, ихже имена написана суть на небеси в книгах животных — святая княгиня и инокиня возшла к вышнему граду, водворилась в небесном чертоге и предстоит Христу вместе с мудрыми девами.
Спустя 27 лет, в 1677 году, по приговору патриарха Иоакима (1674-1690) и Московского Собора, княгиня Анна была исключена из числа святых и, следовательно, празднование ей было отменено. Причиной упразднения канонизации святой было то, что имя благоверной княгини использовали старообрядцы при защите двоеперстия, ссылаясь на ее мощи, персты десницы которых были сложены для крестного знамения двуперстно. Однако в народе почитание княгини Анны, поддерживаемое чудесами от ее мощей, не прекратилось. В 1909 году, по просьбам жителей Кашина, почитание святой было восстановлено. В настоящее время честные мощи святой благоверной княгини Анны Кашинской почивают в храме в честь апостолов Петра и Павла в городе Кашине.
Память преподобной Анны Кашинской празднуется также 2 (15) октября.
После “Бог Господь”:
Тропарь, глас 3
Днесь восхваляем тя, преподобная мати, великая княгине инокине Анно, яко бо лоза плодовита посреде терния, процвела еси во граде Кашине твоими добродетельми, всех удивила еси чудным твоим житием, темже Христу Богу угодила еси, и ныне, радующися и веселящися, пребываеши с лики преподобных жен, наслаждающися райския красоты и веселия. Молим убо тя: моли о нас человеколюбца Христа Бога нашего, даровати нам мир и велию милость. (Дважды.)
Ин тропарь, глас 4
Слава: Просветившися божественною благодатию, преподобная, и правостию умною душу твою привязавши в любовь Христову, тленныя, и красныя, и временныя нивочтоже вменила еси. Крестным знамением на мысленныя враги мужески вооружившися, постническими подвиги, постом и молитвами углие страстей угасила еси, достославная Анно, и по смерти источаеши благодать притекающим к мощем твоим. И ныне, в небеснем чертозе с мудрыми девами предстоящи Христу, моли о нас, почитающих святую память твою.
И ныне, Богородичен: Еже от века утаенное и Ангелом несведомое таинство, Тобою, Богородице, сущим на земли явися Бог, в неслитном соединении воплощаемь, и Крест волею нас ради восприим, имже воскресив первозданнаго, спасе от смерти души наша.
Псалом 50
Канон, глас 3
Песнь 1
Ирмос: Воды древле манием божественным во едино сонмище совокупивый, и разделивый море израильтеским людем, Сей Бог наш препрославлен есть, Тому Единому поим, яко прославися.
Припев: Преподобная мати Анно, моли Бога о нас . (Поклон.)
Даждь ми, Господи, разумение, да достойно воспою и прославлю благоугождшую Ти преподобную матерь, прежде бывшую великую княгиню Анну, и возопию Тебе, Христу моему, яко препрославлен еси.
О тебе, блаженная мати Анно, хощу ныне язык подвигнути и слово прострети: споспешествуй ми, недостойному, молитвами твоими, да достойно восхвалю тя и воспою Господеви моему, яко прославися.
Слава: Со младых ногтей твоих страх Божий имела еси в сердце твоем, блаженная, егоже до конца содержала еси, укрепляема божественною благодатию, тем и душу твою спасла еси, выну поющи Христу, яко прославися.
И ныне: Тобою, Пречистая Владычице, от всех родов предъизбранная Дево, весь мир обновися, и весь род человеческий от лести диавольския свободися, и вопиет ко Христу, яко прославися.
Моли Бога о нас, преподобная мати Анно, яко мы усердно к тебе прибегаем, скорой помощнице и молитвеннице о душах наших. (Поклон.)
Песнь 3
Ирмос: Неплодная душе и безчадная, стяжи плод благославный, веселящися, возопий: утвердихся Тобою, Боже, несть свят, несть праведен, паче Тебе, Господи.
Око душевное чисто и здраво имела еси от юности твоея, блаженная, имже всегда зрела еси к горнему селению, егоже и достигла еси, и ныне Христу воспеваеши: несть свят и несть праведен паче Тебе, Господи.
Из благочестиваго корене произрасла еси, блаженная, и, во вся дни жития твоего с супругом твоим чисто и непорочно пребывающи, вопияла еси ко Христу: несть свят и несть праведен, паче Тебе, Господи.
Слава: Ничтоже пред Богом вящше есть доброты душевныя. Ты же, преподобная мати, соблюла еси ю непреткновенно, вопиющи ко Христу: несть свят и несть праведен, паче Тебе, Господи.
И ныне: Отроковице чистая, Мати Господа нашего, помози ми, недостойному рабу Твоему, воспети угодницу Сына Твоего и Бога моего, преподобную матерь Анну, и рещи ко Христу: несть свят и несть праведен, паче Тебе, Господи.
Моли Бога о нас, преподобная мати Анно, яко мы усердно к тебе прибегаем, скорой помощнице и молитвеннице о душах наших. (Поклон.)
Господи помилуй. (Трижды.)
Седален, глас 3
Воспитана была еси, блаженная, от рождших тя в заповедех Господних, яко лоза в красноцветущих виноградех, тем тя ублажаем и святую память твою верно почитаем. Моли Христа Бога, да спасет души наша.
Слава, и ныне, Богородичен: Света превечнаго, от Отца прежде век рожденное Слово Божие, родила еси нам, Пресвятая Владычице, Христа Бога нашего, Имже вселенная от тли смертныя свободися, тем Тя непрестанно с Ним поем и величаем.
Песнь 4
Ирмос: Покрыла еси небеса добродетель Твоя, Христе, из Кивота бо прошед святыни, Твоея нетленныя Матере, в храме славы Твоея явился еси, яко Младенец руконосимь, и исполнишася вся Твоего хваления.
Преукрашена была еси, преподобная мати, добродетельми твоими, яко цветы благоуханными, и яко камением драгоценным. Тем и угодила еси нетленному Царю и Владыце всех, Емуже и воспела еси: Господи, исполнишася вся Твоего хваления.
О, твердое основание веры, о, любы к Богу крепкая! В женстем бо естестве мужески победила еси невидимаго врага супостата и тако угодила еси Христу, вопиющи: Господи, исполнишася вся Твоего хваления.
Слава: Христов храм была еси, преподобная мати, твоею чистотою и целомудрием и прочими добродетельми, темже вместила еси в себе Святаго Духа, к Немуже и возопила еси: Господи, исполнишася вся Твоего хваления.
И ныне: Воистинну всех тварей вышши явилася еси, Владычице, и кто доволен по достоянию изрещи величие Твое? Пространнее бо небес явися чрево Твое, в немже носила еси всеми невместимаго Бога, к Немуже и мы вопием: Господи, исполнишася вся Твоего хваления.
Моли Бога о нас, преподобная мати Анно, яко мы усердно к тебе прибегаем, скорой помощнице и молитвеннице о душах наших. (Поклон.)
Песнь 5
Ирмос: Яко виде Исаия образно на Престоле превознесена Бога, от Ангел славы дориносима, о окаянный, вопияше, аз! провидех бо воплощаема Бога, Света невечерня и миром владычествующа.
Аще и во благоденствии пребывала еси, блаженная мати, и всяко изобилие близ себе имела еси, никакоже вдалася еси на покой и веселие пищное, но, зельным трудом и воздержанием тело твое удручающи, воспевала еси Жениха твоего, Христа, Света невечерня и миром владычествующа.
Любовию Христовою уязвившися, блаженная мати, великая княгине инокине Анно, яко доброплодная лоза в винограде, процвела еси во граде Кашине благими твоими деянии и победила еси бесовския полки, воспевающи Христа, Света невечерня и миром владычествующа.
Слава: Истинным светом Христовым осияна была еси, мати святая, великая княгине инокине Анно, насыщающися велия благодати и воспевающи Его, Света невечерня и миром владычествующа.
И ныне: Ты убо, чистая Мати Господня, чистотою и девством всех превзошла еси, темже избрана была еси в Божие вместилище и родила еси нам Христа Бога нашего, Света невечерня и миром владычествующа.
Моли Бога о нас, преподобная мати Анно, яко мы усердно к тебе прибегаем, скорой помощнице и молитвеннице о душах наших. (Поклон.)
Песнь 6
Ирмос: Бездна последняя грехов обыде мя, и исчезает дух мой; но прострый, Владыко, высокую Твою мышцу, яко Петра мя, Управителю, спаси.
Из благочестиваго корене произрасла еси, преподобная мати, великая княгине инокине Анно, благочестием же и верою, аки цвет, процвела еси во твоем отечестве, во граде Кашине, и прешла еси к горнему жительству, вопиющи ко Христу: яко Петра мя, Управителю, спаси.
Воистинну достойна еси похвалы велия, преподобная мати, великая княгине Анно, яко в женстем естестве мужескую крепость имела еси, и победила еси супостата диавола, и воспевала еси ко Владыце Христу: яко Петра мя, Управителю, спаси.
Слава: Ей, воистинну светел и тверд ум имела еси, преподобная, вся бо красная мира сего, яко уметы вменила еси, блаженная, и ничтоже возможе поколебати непорочную твою душу, внегда воспевати ти Христу: яко Петра мя, Управителю, спаси.
И ныне: Лестным убо змииным преступлением низпадохом, но с Сыном Твоим, Иисусом Христом Богом нашим совостахом, Мати Господня, Егоже родила еси нам, Свет и Живот, и Воскресение.
Моли Бога о нас, преподобная мати Анно, яко мы усердно к тебе прибегаем, скорой помощнице и молитвеннице о душах наших. (Поклон.)
Господи помилуй. (Трижды.) Слава, и ныне.
Кондак, глас 4
Яко пресветлая звезда, явилася еси в Российстей земли, во граде Кашине, преподобная мати Анно, во всех благочестивых и верных женах, аки крин, процвела еси чистым и непорочным твоим житием, во инокинях же совершенными твоими труды и подвиги, и возшла еси к вышнему граду, радующися и веселящися, яко добре совершивши твое течение, и ныне честныя твоя мощи, аки бисерие драгое, явишася, на исцеление всем, приходящим с верою. Тем и вопием ти: радуйся, всекрасная душею, и моли Христа Бога о спасении душ наших.
Икос
Приидите, вси благовернии людие, воспоим и прославим преподобную великую княгиню инокиню Анну и тако к ней возопиим: радуйся, мати святая, великоименитая княгине инокине Анно, яко от юности твоея возлюбила еси Христа и по заповедем Его шествовала еси; радуйся, яко зельным твоим воздержанием тело твое удручила еси. Радуйся, яко сподобилася еси от Бога дара чудотворений; радуйся, яко озари Бог сердце твое, во еже восхотети облещися во иноческое одеяние и последовати Христу. Радуйся, нищим питательнице и сирым заступнице; радуйся, всем российским женам похвало и утверждение. Радуйся, всей Российстей стране твердое удобрение; радуйся, яко вместо земнаго царства небесное обрела еси. Радуйся, яко по смерти твоей тело твое в недрех земли не подвержеся тлению; радуйся, яко предстоиши с лики святых и преподобных жен невечернему Свету и молишися о спасении душ наших.
Песнь 7
Ирмос: Якоже древле благочестивыя три отроки оросил еси в пламени халдейстем, светлым Божества огнем и нас озари, благословен еси, взывающия, Боже отец наших.
Истинно велие чудо явися во граде Кашине, яко честныя твоя мощи многа лета землею покровены быша, ныне же Божиею благодатию явишася верху земли на исцеление всем, приходящим с верою и вопиющим: благословен Бог отец наших.
Како возможем не дивитися тебе, блаженная мати? Пребыла бо еси, аки свеща светящи, посреде российских жен чудным твоим житием, выну воспевающи: благословен Бог отец наших.
Слава: Утверждена была еси, мати преподобная, аки адамант крепкий, добродетельми твоими и, яко невеста, украшена была еси монисты златыми, делы твоими благими, воспевающи Христу: благословен еси, Господи Боже отец наших.
И ныне: Юницу Тя нескверну, Деву и Богородицу, издалеча пророцы имены различными нарекоша: ин бо Тя гору мысленну нарече, другий же Родительницу Божию, ов же руно, ов же священную дверь. Темже и мы вси достойно Тя поем и славословим во веки.
Моли Бога о нас, преподобная мати Анно, яко мы усердно к тебе прибегаем, скорой помощнице и молитвеннице о душах наших. (Поклон.)
Песнь 8
Ирмос: Служити живому Богу в Вавилоне отроцы претерпевше, о мусикийских органех нерадиша, и посреде пламене стояще, боголепную песнь воспеваху глаголюще: благословите, вся дела Господня, Господа.
Како изглаголю величие Божие на тебе, преподобная мати Анно, явльшееся? Яко по толицех летех обретошася мощи твоя нетленны, на удивление всем человеком, поющим: благословите, вся дела Господня, Господа.
Ничтоже есть дражайше пред Богом добродетельныя души, еяже весь мир недостоин. Темже и ты, преподобная мати Анно, паче всего прилежала еси о сицевей безсмертней вещи, поющи: благословите, вся дела Господня, Господа.
Слава: Яко свещу светлу, уготовала еси кроткую душу твою, преподобная мати Анно, темже по смерти твоей многа исцеления недужным излияшася от честных мощей твоих. Сего ради мы вопием: благословите, вся дела Господня, Господа.
И ныне: Господа моего и Бога рождшая, Мати безневестная, дерзновение имущи к Нему, заступи и сохрани мя Твоим ходатайством, яко да воспою: благословите, вся дела Господня, Господа.
Моли Бога о нас, преподобная мати Анно, яко мы усердно к тебе прибегаем, скорой помощнице и молитвеннице о душах наших. (Поклон.)
Песнь 9
Ирмос: Сладкою пречистаго Твоего рождества стрелою уязвлени, Чистая, Твоей достожеланней доброте дивящеся, песньми ангельскими достойно Тя яко Матерь Божию величаем.
Припев: Преподобная мати Анно, моли Бога о нас. (Поклон.)
Имиже весть судьбами прославляет Господь святыя своя, ихже имена написана суть на небеси в книгах животных, Тойже и тя прослави Своим милосердием, преподобная мати Анно. Тем тя поем и величаем.
Ныне с лики ангельскими на небесех предстоиши Владыце всех преподобная мати Анно, молящи о граде твоем и о чтущих верою святую память твою, недугующим же подающи исцеление от честных мощей твоих. Тем тя поем и величаем.
Слава: Юна еще возрастом бывши, преподобная мати Анно, тесным и прискорбным путем шествовала еси, всякия сладости, яко горести, отвращающися, ныне же достигла еси неизреченныя радости. Тем тя поем и величаем.
И ныне: Ааронов жезл прозябей, Владычице, прежде неплоден быв, послежде цвет и плод испусти; такожде и Ты, Пресвятая Дево, безмужно родила еси Христа Бога нашего. Тем Тя поем и величаем.
Моли Бога о нас, преподобная мати Анно, яко мы усердно к тебе прибегаем, скорой помощнице и молитвеннице о душах наших. (Поклон.)
Тропарь, глас 3
Днесь восхваляем тя, преподобная мати, великая княгине инокине Анно, яко бо лоза плодовита посреде терния, процвела еси во граде Кашине твоими добродетельми, всех удивила еси чудным твоим житием, темже Христу Богу угодила еси, и ныне, радующися и веселящися, пребываеши с лики преподобных жен, наслаждающися райския красоты и веселия. Молим убо тя: моли о нас Человеколюбца Христа Бога нашего, даровати нам мир и велию милость.
Ин тропарь, глас 4
Просветившися божественною благодатию, преподобная, и правостию умною душу твою привязавши в любовь Христову, тленныя, и красныя, и временныя нивочтоже вменила еси. Крестным знамением на мысленныя враги мужески вооружившися, постническими подвиги, постом и молитвами углие страстей украсила еси, достославная Анно, и по смерти источаеши благодать притекающим к мощем твоим. И ныне, в небеснем чертозе с мудрыми девами предстоящи Христу, моли о нас, почитающих святую память твою.
Кондак, глас тот же
Слава: Яко пресветлая звезда, явилася еси в Российстей земли, во граде Кашине, преподобная мати Анно, во всех благочестивых и верных женах, аки крин, процвела еси чистым и непорочным твоим житием, во инокинях же совершенными твоими труды и подвиги, и возшла еси к Вышнему граду, радующися и веселящися, яко добре совершивши твое течение, и ныне честныя твоя мощи, аки бисерие драгое, явишася, на исцеление всем, приходящим с верою. Тем и вопием ти: радуйся, всекрасная душею, и моли Христа Бога о спасении душ наших.
И ныне, Богородичен: Еже от века утаенное и Ангелом несведомое таинство, Тобою, Богородице, сущим на земли явися Бог, в неслитном соединении воплощаемь, и Крест волею нас ради восприим, имже воскресив первозданнаго, спасе от смерти души наша.
Молитва 1
Из службы
О преподобная и преблаженная мати Анно! Смиренно припадающе к раце честных мощей твоих [к иконе твоей], молимся со слезами прилежно: не забуди убогих твоих до конца, но поминай нас всегда во святых твоих и благоприятных молитвах к Богу. О преблаженная великая княгине Анно! Не забуди посещати чад твоих, аще бо телом и преставилася еси от нас, но и по смерти жива пребываеши. Не отступай от нас духом, сохраняющи нас от стрел вражиих и всякия прелести бесовския и козней диавольских. Молитвеннице наша усердная! Не престай молящися за ны ко Христу Богу нашему; аще бо и мощей твоих рака [икона твоя] пред очима нашима видима есть всегда, но святая душа твоя, со ангельскими воинствы у престола Вседержителя предстоящи, достойно веселится. К тебе убо припадаем и тебе молимся: молися, преблаженная Анно, всемилостивому Богу нашему о спасении душ наших, и испроси нам время на покаяние, да невозбранно прейдем от земли на небо, от мытарств же горьких и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже слава, со Безначальным Его Отцем, и с Пресвятым и Благим и Животворящим Его Духом, ныне и присно и во веки веков. Аминь.
Молитва 2
Чтомая в петроградской Никольской единоверческой церкви
Восхваляюще Господа Бога и Творца своего, приимшаго труды и подвиги угодницы Своея, благоверныя великия княгини Анны, немолчными усты воспоем и восхвалим: радуйся, преподобная и богоблаженная княгине Анно, иже от юности своея нача Богу работати и Того святыя заповеди усердно в сердцы своем прияла еси. Радуйся, пречестное селение и жилище Святаго Духа, иже всяку славу и честь и господство века сего оставила еси и до конца оплевала еси, и ни во что же яко уметы положила еси вся сущая в мире, и Христу единому последовала еси, и Его пресвятое иго на раме носила еси, и многими добродетельными делы угодила еси. Радуйся, преподобная мати Анно, иже невозвратным путем шествовала еси по заповедем Владыки своего Христа, и ничтоже паче любве Его предпочте. Сего ради и Христос возлюби тя, яко невесту прекрасную, и с мудрыми девами в чертозе Своем сочетал тя есть, и по успении твоем соблюде пресвятое тело твое нетленно, душу же твою святую в премирная селения вселил, и многими чудесы обогатил тя есть. Радуйся, крепкая помощнице Отечеству своему и граду нашему и всей области великое утверждение. Радуйся и веселися, угоднице Христова, ты бо врач показася всем приходящим с верою к цельбоносным мощем твоим и исцеляеши страсти наша неисцельныя. Молися, святая, Христу Богу нашему, даровати миру смирение и всей Российской земли великое утверждение, яко да и мы молитвами твоими получим оставление грехов, житию исправление и Небеснаго Царствия наследницы будем, благодатию и человеколюбием Господа Бога и Спаса нашего Иисуса Христа, с Нимже купно Отцу и Пресвятому и Животворящему Духу подобает всяка слава, честь и поклонение, ныне и присно и во веки веков. Аминь.
“Честнейшую Херувим”, и прочее
|