Пушкина Ирина
православный христианин
Тема: #81308
Сообщение: #3756788
14.05.13 08:50
|
«Постараемся, сколько возможно, помогать усопшим, вместо слез, вместо рыданий, вместо пышных гробниц – нашими о них молитвами, милостынями и приношениями, дабы таким образом и им, и нам получить обетованные блага», – святитель Иоанн Златоуст.
«Господи, Господи, неизбежен и страшен нелицеприятный Суд Твой! В великом и претрепетном смущении дух наш мятется, сердце содрогается и истаивает, как воск, от единого возвещения Твоего непреложного глагола о последнем Суде, немотствует язык от единого ожидания гласа последней трубы архангела, имущей возбудити от мертвых и воззвати от живых на Страшный Суд Твой от востока и запада, от севера и юга. О, воистину страшен день тот, в он же приидеши, Боже, на землю во славе со ангелами и святыми! Горний и дольний вси предстанут тогда со страхом и трепетом, небо и землю призовеши на Суд судити вселенней в правде и истине! Страшен день тот, в оне же престолы поставятся, книги разгнутся, и явная и тайная наша деяния, словеса и помышления облачатся пред Тобою, пред ангелами и человеками, вкупе же и осудятся: ничтоже бо, Господи, у Тебе сокровенно, еже тогда не открыется, и тайно, еже не у ведано будет. Кто возможет, Судие праведный, устояти тогда пред лицем Твоим и целым миром горним и дольним.
Аще праведник едва спасется, нечестивый и грешный како постоит? И кто убо заступит за ны, аще не Твое милосердие, Господи? Камо убежим от праведного Суда Твоего? О, пощади, пощади тогда нас и отошедшего к Тебе приснопоминаемого нами раба Твоего (имярек), и не осуди его тогда на вечное мучение по грехом его. Благоволи убо, Премилосердый Господи, приняти в небесный и мысленный Твой жертвенник наши жертвы за него - молитвы наши и милостыни, яко кадило благовонное, вкупе с молитвами и бескровным священнодействием пастырей Святыя Твоея Церкви, да не постыдится пред Тобою, пред ангелами и целым миром усопшии рабы Твои. Услыши ны, Боже наш, и не отрини до конца, виждь коленопреклоненных, повергшихся долу пред Тобою, Господи; услыши просящих Твоея милости и Царства Небесного усопшем рабам Твоим. Молим Тя, Премилосердый и Прещедрый Иисусе, егда пощади тогда, Спасе, создание Твое: образ бо есть неизреченныя Твоея славы. С сокрушенным сердцем молим, просим Тя, Спасителю и Искупителю наш, не осуди рабов Твоих праведным Судом Твоим на вечное мучение, аще достоин есть всякого осуждения и муки; не отлучи его от стада избранных Твоих, но, по неизреченному милосердию Своему, долготерпению и любви к нам, грешным и недостойным рабам Твоим, ради Твоих дражайших крестных заслуг, сподоби его, Владыко, Царствия Твоего, еже уготовал еси любящим Тя от сложения мира, и да внидет в место упокоения, хваля всесвятое и великолепное имя Твое, славя неизреченное милосердие Твое, величая человеколюбие и щедроты Твои, яко Ты еси Бог милости и щедрот, и Тебе славу воссылаем со безначальным Твоим Отцем и Пресвятым и благим и Животворящим Твоим Духом ныне и всегда и во веки веков. Аминь»
|
